بكرا أحلى !!

شو بيبقى من الرواية..عندما نكفر بالبشر اجمعين

عدا الأنبياء والصالحين..

ربما يبقى لغة فلسفية لا تدركها سوى الذات وبعضٌ من ظلي ..

الذي يكفيني لأتفيأ ارتياحاً وكأنو هالعمر ..

لحظة ويمكن ما بتدوم .. وكي لا يضيق بنا الحلم ..

منقول بكرا أحلى ومنراقب المطر والضو..

ومنزرع الحنان وللأسف منجني أحزان وبيقولولك باب الفرح غفيان..

والعمر ماشي والذاكرة مثقوبة ..

والسما الها مفاتيح لما بيتسكّر باب الامل ..

وبيجي هيدا لي اسمو العشق وبيدق بابك ..

وبيصير قلبك يخفق وعمرك ينطق .. ومنغفى ..

وبيخجل الكون لما منغفى وبيتلبك القلم لما بيصحى الفجر فينا..

ومنختم الرواية برحيق النهاية وخربشة على جدران هالسما..

ودمعة نزلت من غيم غسلت العتم والضيم..

وقالت يمكن...

بكرا أحلى